ဆီးချိုသွေးချိုရှိသူများအတွက် အချိုဓာတ်အညွှန်းကိန်း နည်းသော အစားအစာများကို လေ့လာခြင်း၏ အကျိုးကျေးဇူးများ။
ဆီးချိုသွေးချိုရှိသူများအတွက် အချိုဓာတ်အညွှန်းကိန်း နည်းသော အစားအစာများကို လေ့လာခြင်း၏ အကျိုးကျေးဇူးများ။
ကစီဓာတ်ကို အစားအစာတိုင်းတွင် ပမာဏကွဲပြားစွာ ပါဝင်နေကြောင်းတွေ့ရှိရပါသည်။ ၎င်းတို့ကို ခန္ဓာကိုယ်ကပြိုကွဲစေပြီး သင်၏သွေးထဲသို့ ဝင်သော သကြားများ (simple sugars) အဖြစ်သို့ကူးပြောင်းစေသည်။ အဘယ့်ကြောင့်ဆိုသော် ကစီဓာတ် အားလုံးလည်း မတူညီကြပါ၊ ၎င်းတို့သည် ကျွန်ုပ်တို့၏ သွေးတွင်းသကြားဓာတ်အပေါ် မည်သို့အကျိုးသက်ရောက်ပုံပေါ် မူတည်၍ ကွဲပြားသည်။ ၎င်း၏ သွေးတွင်းသကြားဓာတ်ကို မည်သို့သက်ရောက်သည်ကို သွေးတွင်းအချိုဓာတ် အညွှန်းကိန်း (GI) ဖြင့် ၀ မှ ၁၀၀ အထိ သတ်မှတ်ထားသည်။ အကယ်၍ သင့်တွင် hypoglycemia (သွေးတွင်းသကြားဓာတ်ကျဆင်းခြင်း) မရှိလျှင် သွေးတွင်းသကြားဓာတ်ကိုအနှေးဆုံး (အနိမ့်ဆုံးအဆင့်) ဖြစ်စေသော အစားအစာများသည် ဆီးချိုသွေးချိုရှိသူများ အတွက်အကျိုးရှိသည်။
ကိုလက်စထရောပမဏကို ကောင်းမွန်စေပြီး နှလုံးရောဂါဖြစ်နိုင်ခြေများကို လျော့ကျစေသည်
ဆီးချိုသွေးချိုရောဂါသည် သင်၏နှလုံးကို ပိုမိုအလုပ်လုပ်စေခြင်းဖြင့် သွေးကြောများကိုပျက်စီးစေသည်။ အကယ်၍ သင့်တွင် ကိုလက်စထရောမြင့်မားပါက သွေးကြောနံရံများကိုပျက်စီးစေနိုင်သည်။ သင်၏ သွေးတွင်းသကြားဓာတ်ကို ထိန်းညှိခြင်းဖြင့် ဆီးချိုသွေးချိုရောဂါနှင့်အတူ ဖြစ်ပေါ်လာနိုင်သော အခြားကျန်းမာရေးဆိုင်ရာ နောက်ဆက်တွဲဆိုးကျိုးများကို ကာကွယ်နိုင်သည်။ အချိုဓာတ်အညွှန်းကိန်း နည်းသော အစားအစာများတွင် ပျော်ဝင်လွယ်သောအမျှင်ဓာတ်များ ပိုမိုပါဝင်သောကြောင့် ကိုလက်စထရောကိုစုပ်ယူပေးကာ သွေးထဲသို့ ၀င်ရောက်မှုပမာဏကိုလျော့ကျစေသည်။ ထို့သို့လုပ်ဆောင်ပေးခြင်းဖြင့် သွေးကြောအတွင်း ပိတ်ဆို့ခြင်းကို ကာကွယ်ပေးသည်။ အစားအစာရွေးချယ်မှုအနေဖြင့် အသားဓာတ်များနှင့် အခြားအချိုဓာတ် အညွှန်းကိန်း နည်းသော အစားအစာများကို ပိုမိုစားသုံးသင့်သည်။ အဘယ်ကြောင့်ဆိုသော် ၎င်းတို့သည် အစာကြေညက်ခြင်းနှင့် နှေးကွေးစွာစုပ်ယူသောကြောင့် သွေးတွင်းသကြားဓာတ် မြင့်တက်မှု အနည်းငယ်ကိုသာ ဖြစ်ပေါ်စေသည်။
လတ်ဆတ်သော အစားအစာများကို ပိုမိုစားသုံးသင့်သည်
မည်သည့်အစားအစာများသည် သွေးတွင်းသကြားဓာတ် မြင့်တက်မှု ပိုမိုမြန်ဆန်စေကြောင်း သင်လေ့လာသောအခါ၊ အစားအစာကို မူရင်းပုံစံအတိုင်း အနီးစပ်ဆုံးစားသုံးခြင်းသည် ကျန်းမာရေးနှင့် အညီညွတ်ဆုံးဖြစ်သည်ကို သင်တွေ့ရလိမ့်မည်။ သကြားပါ၀င်ခြင်းသည် ဆီးချိုသွေးချိုရှိသူများအတွက် ဆိုးရွားကြောင်းကိုလည်း သင်လေ့လာတွေ့ရှိနိုင်သည်။ ရေခဲမုန့်၏ ကယ်လိုရီ ၃၀၀ သည် သရက်သီး၏ ကယ်လိုရီ ၃၀၀ နှင့်အတူတူပင်ဖြစ်သော်လည်း သင်စားသုံးလိုက်သော အသီးတွင် ဂလူးကို့စ်ချေဖျက်နှုန်းကို နှေးစေကာ အခြားအကျိုးရှိသော အာဟာရဓာတ်များကို ဖြည့်တင်းပေးနိုင်သော အမျှင်ဓာတ်ပါဝင်သည်။ လတ်ဆတ်သောပန်းသီးစားခြင်းက အဆီများသောအာလူးကြော်ထက် များစွာပိုမိုကောင်းမွန်ပါသည်။ သို့မဟုတ် ဘလူးဘယ်ရီ၊ လှီးထားသောစတော်ဘယ်ရီ၊ ရာသီစာသရက်သီး၊ သီဟိုစေ့ပါသော ရောင်စုံသစ်သီး ပန်းကန်နှင့် ဒိန်ချဉ် တို့သည် ဆီကြော်စမူဆာထက် ပိုမိုကျေနပ်ဖွယ်ရာရှိသည်။
ပိုမိုကောင်းမွန်သော ကိုယ်အလေးချိန်ထိန်းထားခြင်း၏ အကျိုးရလဒ်
“အာဟာရဓာတ် သိပ်သည်းပြီး ပြည့်ဝမှုကိုထိန်းသိမ်းထားခြင်းသည်” အချိုဓာတ်အညွှန်းကိန်း နည်းသော အစားအစာများ၏ အဓိကအချက်ဖြစ်သည်။ အဘယ်ကြောင့်ဆိုသော် အချိုဓာတ်အညွှန်းကိန်း နည်းသောကြောင့် သွေးတွင်းအချိုဓာတ်ကို ထိန်းညှိပေးနိုင်သည်။ ထို့ကြောင့် အစာစားချင်စိတ်ကို ထိန်းထားပီး ဆာလောင်မှုကို လျော့ချပေးခြင်းကြောင့် အစားလွန်ကဲစွာစားသုံးခြင်းကို ကာကွယ်ပေးသည်။ အချိုဓာတ်အညွှန်းကိန်း နည်းသော အစားအစာများသည် အစာကြေရန် ပိုမိုကြာမြင့်သောကြောင့် ခန္ဓာကိုယ်ကစွမ်းအင်ကို ပိုမိုသုံးစွဲရန်လိုအပ်သည်။ စွမ်းအင်ကုန်ခမ်းခြင်းကြောင့် ကယ်လိုရီကိုကျစေသည်။ ထို့အပြင် Low GI Diet တွင် ကယ်လိုရီရေတွက်စားသုံးခြင်း မပါဝင်ပါ။ ၎င်းသည် ပုံမှန်အစားအစာကို ကျန်းမာသန်စွမ်းစေသောအစာဖြင့် ပြောင်းလဲစားသုံးခြင်းဖြစ်၍ ရိုးရှင်းပါသည်။
Low GI Diet ကိုနားလည်ရန်မခက်ခဲပါ။ အချိုဓာတ်အညွှန်းကိန်းအကြောင်းကို အွန်လိုင်း သို့မဟုတ် အော့ဖ်လိုင်းတွင် ရရှိနိုင်သည့် အကိုးအကားများစွာမှ အလွယ်တကူရှာဖွေနိုင်သည်။ ၎င်းသည် အစပိုင်းတွင် ရှုပ်ထွေးပုံပေါက်သော်လည်း ကိုယ်နှစ်သက်ရာ သို့မဟုတ် အစားအစာအဟာရ လိုအပ်ချက်အတိုင်း စိတ်ကြိုက်ပြုပြင်နိုင်သည်။ သို့သော် အာဟာရပညာရှင်တစ်ဦး နှင့် တိုင်ပင်ပြီးမှသာ အဓိကအပြောင်းအလဲများကို ပြုလုပ်ရန် သတိထားပေးပါ။ ဖြည့်စွက်အာဟာရများကို လိုအပ်လျှင် ရွေးချယ်စရာတစ်ခုအနေဖြင့်လည်း အသုံးပြုနိုင်သည်။ Glucerna ကဲ့သို့သော ဖြည့်စွက်အာဟာရများသည် အချိုဓာတ်အညွှန်းကိန်း နည်းသော ဖော်မြူလာ (low GI formula) ဖြင့်ပြုလုပ်ထားပီး ပြည့်ဝသော အသားဓာတ်၊ အမျှင်ဓာတ်၊ ဗီတာမင် နှင့် သတ္တုဓာတ် ၂၈ မျိုး ပါရှိသောကြောင့် သင့်ဆီးချိုသွေးချိုရောဂါအတွက် လိုအပ်သော အာဟာရ ရည်မှန်းချက်ပန်းတိုင်ကို အောင်မြင်ရန် ကူညီပေးသည်။
References:
- https://www.healthline.com/nutrition/low-glycemic-diet#the-glycemic-index-gi
- https://www.womenshealthmag.com/food/g20697064/low-glycemic-foods-list/
- https://www.mayoclinic.org/healthy-lifestyle/nutrition-and-healthy-eating/in-depth/glycemic-index-diet/art-20048478
- https://glucerna.ca/en/products